შეხვედრა ფრაიბურგის საუნივერსიტეტო სამედიცინო ცენტრის წარმომადგენლებთან

აჭარის ჯანმრთელობისა და სოციალური დაცვის მინისტრი, ნინო ნიჟარაძე პირველ მოადგილესთან, მარი ზანაქიძესთან და ქ სამედიცინო დაწესებულებების ხელმძღვანელებთან ერთად, გერმანიის, ქ. ფრაიბურგის საუნივერსიტეტო სამედიცინო ცენტრის ზოგადი და ვისცერალური ქირურგიის დეპარტამენტის კლინიკურ დირექტორს, პროფესორ შტეფან ფიხტნერ-ფაიგლს და პანკრეასისა და სარკომის ქირურგიის დეპარტამენტის ხელმძღვანელს, მედიცინის დოქტორს, სოფია ჩიხლაძეს შეხვდა.

შეხვედრის მიზანს აჭარის სამედიცინო დაწესებულებების ფრაიბურგის საუნივერსიტეტო სამედიცინო ცენტრთან სამომავლო თანამშრომლობის შესაძლებლობების განხილვა და დაგეგმვა წარმოადგენდა.

გადაწყდა, რომ ბათუმიდან ფრაიბურგში კვალიფიკაციის ასამაღლებლად გაემგზავრებიან ქირურგები და ონკოლოგები. აღნიშნული ხელს შეუწყობს გერმანული გამოცდილების ქართულ რეალობაში დანერგვას.