ღვაწლმოსილი ექიმის დაჯილდოება

"ქალბატონი რუსუდანი დღეს იუბილარია. სამინისტროს სახელით ვულოცავ დაბადების დღეს, ვუსურვებ ჯანმრთელობას და კეთილდღეობას. მას საზოგადოებრივი ჯანმრთელობის დაცვის სფეროში საქმიანობის მრავალწლიანი გამოცდილება აქვს. დიდი წვლილი მიუძღვის აჭარაში ინფექციური დაავადებების კონტროლისა და პრევენციის პროცესში. მისი მონაწილეობით განხორციელდა მნიშვნელოვანი ღონისძიებები ცოფის წინააღმდეგ ბრძოლაში. ის ყოველთვის იყო და არის პროფესიული სტანდარტების დამცველი"- აღნიშნა მინისტრმა, ნინო ნიჟარაძემ.

 

რუსუდან ბიბილეიშვილი აჭარის საზოგადოებრივი ჯანდაცვის ცენტრში უწყების დაარსების დღიდან მუშაობს. მინისტრთან ერთად, იუბილე აჭარის ჯანმრთელობისა და სოციალური დაცვის მინისტრის მოადგილეებმა და საზოგადოებრივი ჯანდაცვის ცენტრის წარმომადგენლებმა მიულოცეს. შეხვედრაზე პატივისცემა გამოხატეს მისი პროფესიონალიზმის და საზოგადოებრივი ჯანმრთელობის სფეროში შეტანილი წვლილისთვის.