საკონსულტაციო საბჭოს შეხვედრაზე სამედიცინო სერვისებისა და აკრედიტაციის მიმართულებები განიხილეს

საკონსულტაციო საბჭო აერთიანებს აჭარის ჯანმრთელობის დაცვისა და სოციალურ საკითხთა კომიტეტს, სხვადასხვა დარგისა და მიმართულებების მაღალკვალიფიციურ, კომპეტენტურ პროფესიონალებს, სახელმწიფო, კერძო და არასამთავრობო ორგანიზაციებში მომუშავე სპეციალისტებს.

სხდომაზე საკონსულტაციო საბჭოს წევრებმა სამედიცინო დაწესებულებებისთვის საერთაშორისო სტანდარტების აკრედიტაციის საკითხები განიხილეს.

ბათუმის რესპუბლიკური კლინიკური საავადმყოფოს დირექტორმა ისაუბრა კლინიკაში არსებულ სამედიცინო სერვისებზე, დანერგილ სიახლეებზე, განხორციელებულ ინფრასტრუქტურულ ცვლილებებსა და სამომავლო გეგმებზე.