ექთნების და მეანი ექთნების საერთაშორისო კვირეული

"აჭარის სამედიცინო სისტემაში 2 300-მეტი მედდაა დასაქმებული. მინდა ჩემი პატივისცემა გამოვხატო თითოეული მათგანის მიმართ. მადლობას მოგახსენებთ ყოველდღიური შრომისთვის, ზრუნვისთვის. თქვენ ჯანმრთელობის დაცვის სისტემის საყრდენი რგოლი ხართ. პირველები ხვდებით პაციენტებს და ხშირად თქვენივე ძალისხმევა განსაზღვრავს მათი მკურნალობის შედეგს. გისურვებთ ჯანმრთელობას და პროფესიულ წარმატებებს" - განაცხადა სიტყვით გამოსვლისას მინისტრმა, ნინო ნიჟარაძემ.

 

შეხვედრაზე, საქართველოს ექთანთა გაერთიანებასა და სამედიცინო დაწესებულებებს შორის ხელი მოეწერა თანამშრომლობის დოკუმენტს. შეთანხმება ექთნების რეგიონული განვითარების სტრატეგიის ფარგლებში შედგა და მათი კარიერული განვითარების მხარდაჭერას ითვალისწინებს.