აჭარის ჯანდაცვის სამინისტრომ პირველი კვარტლის ბიუჯეტის შესრულება წარადგინა

სხდომაზე მინისტრმა ჯანმრთელობისა და სოციალური დაცვის მიმართულებით განხორციელებულ პროგრამებსა და ღონისძიებებზე ისაუბრა.

,,სამინისტროს, მის სისტემაში შემავალ ორგანიზაციებსა და პროგრამულ ღონისძიებებზე 2026 წლის პირველ კვარტალში რესპუბლიკური ბიუჯეტით გამოყოფილი დაზუსტებული ასიგნებები 29 325,9 ათასი ლარით იყო განსაზღვრული და ბიუჯეტი 93,5 %-ითაა შესრულებული. ამასთან, მოქალაქეთა მომართვიანობის ზრდასთან ერთად, იზრდება პროგრამების რაოდენობა, მათი დაფინანსება, ინერგება სიახლეები. სამინისტრო 40-მდე პროგრამას ახორციელებს, რომელთა მიზანი რეგიონის მოსახლეობის მაქსიმალური მხარდაჭერა და სამედიცინო სერვისებზე ხელმისაწვდომობის გაზრდაა" - აღნიშნა მინისტრმა, ნინო ნიჟარაძემ.

სხდომას კომიტეტის თავმჯდომარე - ილია ვერძაძე უძღვებოდა. ​მოხსენებების დასრულების შემდეგ, კანონმდებლებმა გამოთქვეს თავიანთი მოსაზრებები და წარმოდგენილი ანგარიშები ცნობად მიიღეს