აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს

 გ ა ნ ც ხ ა დ ე ბ ა

       უშვილობის დიაგნოსტიკისა და მკურნალობის ქვეპროგრამის შესრულებაში მონაწილეობის მსურველ პირთათვის

აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო (ქ. ბათუმი, აკად. მ. კომახიძის ქ. №119) აცნობებს ყველა დაინტერესებულ პირს:

1. ,,აჭარის ავტონომიური რესპუბლიკის 2024 წლის რესპუბლიკური ბიუჯეტის შესახებ" აჭარის ავტონომიური რესპუბლიკის კანონით გათვალისწინებულია ქვეპროგრამა „უშვილობის დიაგნოსტიკისა და მკურნალობა“ 

2 უშვილობის დიაგნოსტიკისა და მკურნალობის ქვეპროგრამის მიზანია თანამედროვე რეპროდუქციული ტექნოლოგიების გზით უშვილო წყვილებისათვის სამედიცინო სერვისების (მათ შორის ინსემინაცია და ინ ვიტრო განაყოფიერება საკუთარი ბიოლოგიური მასალით) დაფინანსებაზე ხელმისაწვდომობა.

3. მომსახურების გაწევის ვადაა 2024 წლის 1 იანვრიდან 2024 წლის 31 დეკემბრის ჩათვლით პერიოდი.

4. ქვეპროგრამით სარგებლობის უფლება ენიჭებათ წყვილებს (ცოლი/ქმარი), რომლებიც არიან საქართველოს მოქალაქეები და ვაუჩერის გაცემის პერიოდისათვის არანაკლებ 1 წლის ვადით უწყვეტად არიან რეგისტრირებულნი აჭარის ავტონომიურ რესპუბლიკის ტერიტორიაზე.  (წყვეტილობის არსებობის შემთხვევაში, პირი არ უნდა იყოს რეგისტრირებული აჭარის ავტონომიური რესპუბლიკის ადმინისტრაციული ტერიტორიის გარეთ).

5. ქვეპროგრამის  ბენეფიციარებს წარმოადგენენ: არანაკლებ 6 თვის განმავლობაში კანონიერ ქორწინებაში მყოფი შემდეგი პირები, რომელთაც შვილის ყოლის მიზნით ესაჭიროებათ შესაბამისი რეპროდუქციული სამედიცინო დახმარების გაწევა:

- 300 000-მდე სარეიტინგო ქულის მქონე სოციალურად დაუცველი პირები;

- შშმ სტატუსის მქონე პირები;

- საჯარო და კერძო ზოგადსაგანმანათლებო სკოლებში, ადრეული და სკოლამდელი აღზრდისა და განათლების დაწესებულებებში (ბაგა-ბაღი), ვაუჩერის გაცემის  პერიოდისათვის არანაკლებ ერთი წლის ვადით უწყვეტად დასაქმებული პირები. 

უნაყოფო წყვილიდან ერთ-ერთი პირი მაინც უნდა აკმაყოფილებდეს ზემოაღნიშნულ მოთხოვნას.                                           

6. უშვილობის დიაგნოსტიკისა და მკურნალობის ქვეპროგრამის განხორციელებაში მონაწილეობის მსურველმა პირებმა გთხოვთ, მოგვმართოთ მისამართზე: ქ. ბათუმი, აკად.           მ. კომახიძის ქ. №119,  მეორე სართული, ოთახი №9.

7. დაინტერესებულმა პირებმა უნდა წარმოადგინონ შემდეგი დოკუმენტები:

 

ა) წერილობითი განაცხადი უშვილობის დიაგნოსტიკისა და მკურნალობის ქვეპროგრამის

განხორციელებაში მონაწილეობის მიღების სურვილის თაობაზე;

ბ) მონაწილეობის მსურველი პირის რეკვიზიტები (მისამართი, ტელეფონის ნომერი, ფაქსი, საიდენტიფიკაციო კოდი, საბანკო რეკვიზიტები);

გ) ინფორმაცია პერსონალის კვალიფიკაციის და სერთიფიცირების თაობაზე;

დ) საქართველოს კანონმდებლობის შესაბამისად გაცემული სამედიცინო საქმიანობის უფლების დამადასტურებელი დოკუმენტი (თუ ამას ითვალისწინებს საქმიანობა).

 

უშვილობის დიაგნოსტიკისა და მკურნალობის ქვეპროგრამის გათვალისწინებული მომსახურების და შესრულების წესის შესახებ სრული ინფორმაცია განთავსებულია სამინისტროს ვებ-გვერდზე www.molhs.gov.ge.

 

დამატებითი ინფორმაცია დაინტერესებულ პირებს შეუძლიათ მიიღონ მისამართზე: აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო, ქ. ბათუმი, აკად. მ. კომახიძის ქ. №119, მეორე სართული, ოთახი №9. ტელეფონი: 0422 24-79-62.