სამედიცინო აქცია წმ. ეკატერინეს სახელობის სათნოების სავანეში

აჭარის ჯანმრთელობისა და სოციალური დაცვის მინისტრმა, ნინო ნიჟარაძემ და მინისტრის პირველმა მოადგილე, მარი ზანაქიძე წმ. ეკატერინეს სახელობის სათნოების სავანის ბინადრები მოინახულეს.

,,სამინისტრომ ერთგვარ ტრადიციად დანერგა სავანეში მრავალპროფილური პროფილაქტიკური სამედიცინო აქციის ორგანიზება. საჭიროების მიხედვით იგეგმება სხვადასხვა ექიმის კონსულტაცია და კვლევები. ამჯერად შედგა ქირურგის, ოფთალმოლოგის, დერმატოლოგის, ნევროპათოლოგის და რადიოლოგის ვიზიტი. ჩვენ მზად ვართ კომპეტენციის ფაგლებში სავანეს სრული მხარდაჭერა გამოვუცხადოთ შემდგომშიც“ - აღნიშნა მინისტრმა, ნინო ნიჟარაძემ.

საშუალოვადიანი პრიორიტეტების ფარგლებში, სამინისტრო გეგმავს ახალი პროგრამის "მოხუცთა დღის ცენტრის" ამოქმედებას. პროექტი სრულფასოვანი კომპლექსური ღონისძიებებით ხელს შეუწყობს ასაკოვანი ადამიანების ჩართვას სოციალურ აქტივობებში, დაეხმარება მათ თვითრეალიზაციას ახალ გარემოში.

სამედიცინო აქციაში დღეს კლინიკა "მედფემის" და ქ. ბათუმის N1 პოლიკლინიკის ექიმები მონაწილეობდნენ.