ამბულატორიული მაღალტექნოლოგიური დიაგნოსტიკური კვლევის პროგრამა

აჭარის ჯანმრთელობისა და სოციალური დაცვის სამინისტროს ,,ამბულატორიული მაღალტექნოლოგიური დიაგნოსტიკური კვლევის პროგრამის" მოსარგებლეები არიან:

 ,,სოციალურად დაუცველი ოჯახების მონაცემთა ერთიან ბაზაში” რეგისტრირებული 200 000-ის ჩათვლით სარეიტინგო ქულის მქონე პაციენტები;
 შეზღუდული შესაძლებლობის სტატუსის მქონე პირები;
 ომის ვეტერანები;
 ტერიტორიული მთლიანობისათვის ომში მონაწილეები, დაღუპულთა ოჯახის წევრები (დედა, მამა, მეუღლე, შვილი);
 მრავალშვილიანი (18 წლამდე ასაკის 4 და მეტი შვილი ან/და ნაშვილები) ოჯახის წევრები;
 პოლიტიკური რეპრესიების მსხვერპლად აღიარებული პირები;
 უსახლკაროთა თავშესაფარის კონტიგენტი;
 უსახლკაროები;
 მარტოხელა მშობელი და მისი არასრულწლოვანი შვილები;
 ტრეფიკინგისა და ძალადობის მსხვერპლი პირები;
 საოჯახო ტიპის საცხოვრებელ სახლში მცხოვრები, სახელმწიფო მზრუნველობის ქვეშ მყოფი 0 დან-18 წლამდე ასაკის ბავშვები;
 ასაკობრივი და მიზნობრივი ჯგუფი: 0-დან 6 წლამდე ასაკის ბავშვები, ასაკით პენსიონერები.

 დაფინანსება ხორციელდება პროგრამის შესრულების წესით გათვალისწინებული პროპორციების დაცვით, სამედიცინო დაწესებულებიდან წარმოდგენილი ანგარიშ-ფაქტურის მიხედვით, არაუმეტეს პროგრამაში გათვალისწინებული მაღალტექნოლოგიური დიაგნოსტიკური კვლევის ღირებულებისა.

პროგრამის ბიუჯეტი: 2 მილიონ 500 000 ლარი.